ТОШКЕНТ, 11 май – Sputnik. Адлия вазирлиги фуқароларнинг мулк ҳуқуқини ҳимоя қилади, деб хабар қилмоқда “Ҳуқуқий ахборот” телеграм канали.
“Адлия вазирлиги жорий йилнинг 10 майдан — 30 июнь кунига қадар фуқароларнинг кўчмас мулкка бўлган ҳуқуқларига риоя этилиши юзасидан онлайн мурожаатларни қабул қилиш ва ҳал этиш бўйича АКЦИЯ эълон қилади”, - дейилган хабарда.
Вазирлик, хусусан, қуйидаги ҳолатлар юзасидан, онлайн арзномалар қабул қилишни бошлади:
- Кўчмас мулк ҳуқуқи бузилиши;
- Турар жой ноқонуний бузилиши;
- Бузилган иморат учун компенсация тўланмаслиги;
- Қониқарсиз компенсация таклиф этилиши;
- Кўчмас мулкка эгалик ҳуқуқи берилмаслиги.
Юқорида қайд этилган қонунбузарликларга барҳам бериш вақти келди, дейилган хабарда.
Кўчмас мулк соҳасида бузилган ҳуқуқларини тиклаш учун фуқаролар ушбу ҳавола орқали мурожаат этишлари мумкин.
