ТОШКЕНТ, 5 июн – Sputnik. Ўзбекистон президенти Шавкат Мирзиёев топшириғига асосан Тошкент шаҳрида 500 та уй эҳтиёжмандларга Рамазон Ҳайити тухфаси сифатида текинга топширилди, деб хабар қилмоқда “Халқ билан мулоқот” гуруҳи.
“Давлатимиз раҳбари топшириғига асосан бугун Тошкент шаҳридаги 500та оилага Сергели тумани “Чоштепа” маҳалласида барпо этилган кўп қаватли уйлардаги хонадонлар ТЕКИНГА совға тариқасида эҳтиёжмандларга топширилди”, - дейилган хабарда.
Ушбу улар махсус комисси танловига кўра, Тошкентнинг барча 11 туманида яшовчи уйга муҳтож фуқароларга топширилгани хабар қилинган. Улар орасида жумладан:
- 300 нафар уй-жойга муҳтож, оғир вазиятга тушган, ногиронлиги бўлган фуқаролар, боқувчисини йўқотган ҳамда ёлғиз аёллар;
- 150 нафар ногиронлиги бўлган фуқаролар;
- 50 нафар Ўзбекистон Республикаси Фанлар академияси қошидаги илмий-текшириш институтларининг илмий тадқиқотчилари, олий таълим муассасаларида илмий изланишлар олиб бораётган докторант ва таянч докторантлари.
Эслатиб ўтамиз, Ўзбекистонда сўнгги йилларда аҳолини арзон ва қулай уй жой билан таъминлаша қаратилган бир неча дастурлар амалга оширилмоқда. Ушбу дастурлар давлат ижтимоий хизматлари ёки алоҳида вазирлик ва муассасалар томонидан амалга оширилмоқда.
