ТОШКЕНТ, 26 июн – Sputnik. “Халқаро меҳнат ташкилотининг 1930 йилдаги Мажбурий меҳнат тўғрисидаги 29-сонли Конвенциясига Баённомани ратификация қилиш тўғрисида”ги қонун Ўзбекистон президенти Шавкат Мирзиёев томомнидан жорий йилнинг 25 июнь куни имзоланди.
Эслатиб ўтамиз, мазкур Конвенцияга Баённома 2014 йил 11 июнда Женева шаҳрида қабул қилинган. Энди бу ҳужжат Ўзбекистон томонидан тан олинди.
Конвенциянинг ўзи Ўзбекистон Республикаси Олий Мажлисининг 1997 йил 30 августдаги 492-I-сон қарорига мувофиқ ратификация қилинган.
Эслатиб ўтамиз, аввалроқ Сирдарё вилоятида пахта йиғим-терим жараёнига ихтиёрий равишда жалб этиладиган меҳнат билан банд бўлмаган фуқароларни дала марказларига жойлаштириш бўйича экспериментал лойиҳа амалга ошириш режалаштирилгани хабар қилинган эди.
