13:37 22 Сентябр 2019
Эфир
  • RUB146.51
  • EUR10421.13
  • USD9411.30
Выставка Агромаш-2019 в Узэкспоцентре

Ўзбекистонда қишлоқ хўжалиги техникалари учун янги миллий “бренд” яратилади

© Sputnik / Рамиз Бахтияров
Жамият
Ҳавола олиш
28810

Қишлоқ хўжалиги машинасозлиги соҳасини 2025 йилга қадар ривожлантириш дастури ишлаб чиқилади.

ТОШКЕНТ, 2 авг – Sputnik. Қишлоқ хўжалиги машинасозлигини жадал ривожлантириш, аграр секторни қишлоқ хўжалиги техникалари билан таъминлашни давлат томонидан қўллаб-қувватлашга оид чора-тадбирлар тўғрисидаги президент қарори қабул қилинди.

Қуйидагиларни назарда тутувчи қишлоқ хўжалиги машинасозлиги соҳасини 2025 йилга қадар ривожлантириш дастури ишлаб чиқилади:

- янги турдаги қишлоқ хўжалиги техникаларининг бюджет моделини ишлаб чиқариш ва республикада ишлаб чиқарилаётган қишлоқ хўжалиги техникалари учун янги миллий “бренд”ни яратиш;

- боғдорчилик, мева-сабзавотчилик ва чорвачилик йўналишида техника турлари ишлаб чиқаришни кенгайтириш ва умумий ишлаб чиқариш ҳажмини ошириш;

- тайёр маҳсулот экспортини ишлаб чиқарилган маҳсулотга нисбатан 2022 йилда 20 фоизга, 2025 йилда эса 30 фоизга етказиш;

- корпоратив бошқаришнинг замонавий усулларини, хусусан “ЕRP” автоматлаштирилган ҳисобга олиш, “GMS” ишлаб чиқаришни бошқариш ва “BIQ” сифатни бошқариш тизимларини жорий этиш;

- қишлоқ хўжалиги учун кичик механизация техникаларини ишлаб чиқаришни ташкил этиш;

- машина-трактор паркларининг мавжуд техникалари ва бўш турган ер майдонларини оптималлаштириш ҳамда уларни асосан таъмирлаш ва сервис хизматлари кўрсатишга ихтисослаштириш.

Қишлоқ хўжалигини механизациялашни давлат томонидан қўллаб-қувватлашнинг қуйидаги тартиби жорий этилади:

- 2019-2021 йилларда қишлоқ хўжалиги корхоналари маҳаллийлаштириш даражаси 20 фоиздан кам бўлмаган республикада ишлаб чиқарилган қишлоқ хўжалиги техникалари харид қилганида техника нархининг 15 фоизи миқдорида субсидия бериш;

- комбайнларни хорижда хизмат кўрсатиш учун ташиш транспорт харажатларининг 80 фоизини компенсация қилиш.

Асосий мавзулар