ТОШКЕНТ, 6 авг – Sputnik. Ўзбекистон кинологлар терма жамоаси Москва вилоятида ўтказилаётган “Содиқ дўст” танловининг биринчи босқичида учинчи ўринни қўлга киритди.
Ўзбекистон Қуролли кучлари кинология хизмати бошлиғи – жамоа мураббийи, подполковник Улуғбек Жўраев мусобақани ўтказишга тайёргарлик кўриш даражасига баҳо берди.
“Жамоамиз бу мусобақага тайёргарлик кўриш учун бир неча ой давомида тайёргарлик кўрди. Бу ерда мусабақа ўтказиш ҳудудида ҳаммаси юқори даражада ташкиллаштирилган. Иштирокчилар,машқ ўтказиш ва хизмат итлари учун барча шароитлар яратилган. Кунда бир неча соат машқ ўтказиш имконияти бор”, - деди Жўраев.
Эслатиб ўтамиз, Москва вилоятида ҳарбий кинологлар мусобақаси 3-11 август кунлари бўлиб ўтмоқда.
