ТОШКЕНТ, 26 авг - Sputnik. Ўзбекистон олий таълим муассасаларида янги 2019/2020 ўқув йили 4 сентябрдан бошланади. Бу ҳақда Олий ва ўрта махсус таълим вазирлиги хабар қилди.
“Ўзбекистон Республикаси мустақиллигининг йигирма саккиз йиллик байрами муносабати билан олий таълим муассасалари жамоаларига муносиб дам олиш шароитларини яратиб бериш мақсадида олий таълим муассасаларида янги 2019/2020 ўқув йили 4 сентябрдан бошланишни маълум қиламиз”, - дейилади хабарда.
Эслатиб ўтамиз, ўзбекистонликлар мустақиллик куни байрами муносабати билан кетма-кет тўрт кун дам олади. Ҳафтасига беш кун ишлайдиганлар 31 август - 3 сентябрь кунлари, олти кун ишлайдиганлар эса 1 сентябрь - 3 сентябрь кунлари дам олади.
