17:25 16 Октябр 2019
Эфир
  • RUB147.25
  • EUR10438.58
  • USD9455.24
Вид на город Ташкент

Ўзгидромет Тошкент туманларида ҳаво нимадан ифлосланганини очиқлади

© Flickr / Aleksandr Zykov
Жамият
Ҳавола олиш
151 0 0

Тошкент шаҳрида атмосфера ҳавоси кузатувлари шаҳарнинг 8 та туманида жойлашган 13 та кузатув пунктида амалга оширилади.

ТОШКЕНТ, 11 окт - Sputnik. Ўзгидромет Тошкентда атмосфера ҳавосининг ифлосланишини кузатиш бўйича маълумотларини эълон қилди.

Таъкидланишича, Тошкент шаҳрида атмосфера ҳавосининг ифлосланиш даражаси стационар ва кўчма манбалардан ажралиб чиқадиган зарарли моддалар миқдорига боғлиқ. Ҳавога зарарли моддалар чиқарадиган асосий манбалар автотранспорт, саноат корхоналари, қозонхоналар, металлургия корхоналаридир.

“Масалан, Ўзгидрометнинг стационар пунктлари жойлашган Тошкент шаҳрининг Юнусобод туманида азот диоксиди, углерод оксиди, Яшнобод туманида чанг, углерод оксиди, азот оксиди, Мирзо Улугбек туманида кўпроқ чанг, азот ва углерод диоксидлари, Чилонзорда азот диоксиди, Миробод туманида фенол, азот диоксиди, Сергелида формалдегид ва азот диоксиди бир марталик максимал миқдори рухсат этилган меъёрлардан юқорилиги қайд этилади”, - дейилади хабарда.

Тошкент шаҳрида атмосфера ҳавоси кузатувлари шаҳарнинг 8 та туманида жойлашган 13 та кузатув пунктида амалга оширилади. Шаҳар хусусиятларини эътиборга олиб ҳаво ифлосланиши тўғрисида маълумотга эга бўлиш мақсадида бу пунктлар турли функсионал зоналарда, яъни турар жой , саноат, автомобил йўллари олдида жойлашган.

Атмосфера ҳавоси ифлосланиши чанг, олтингугурт диоксиди, азот диоксиди, азот оксиди, карбонат ангидрид, фенол, фторли водород, аммиак, формалдегид, оғир металлар кўрсаткичлари бўйича аниқланади. Бунинг учун кузатув постларида якшанбадан ташқари ҳар куни соат 7:00, 13:00, 19:00 да ҳаво намуналари олинади.

Эслатиб ўтамиз, дунё шаҳарларидаги ифлосланиш ва ҳаво сифати индексини таҳлил қилувчи The World Air Quality Index’нинг энг йирик онлайн-мониторинг натижаларига кўра, Тошкент ҳавоси ифлос шаҳарлар рейтингида иккинчи ўринни эгаллагани маълум қилган эди. Ўзгидромет Тошкентнинг ҳавоси энг ифлос шаҳарлар рейтингида иккинчи ўринни эгаллаши нотўғри маълумот деб атаган эди.

Асосий мавзулар

  • Традиционные узбекские ковры

    Туркий тилли давлатлар ҳамкорлик кенгашига (ТТДҲК) Ўзбекистоннинг аъзо бўлиши унинг Европага юк оқимини сезиларли даражада оширишига замин яратади. Бунинг баробарида юк коридорлари ва маршрутлари ўртасидаги фарқни ҳисобга олиш керак, дейди озарбайжонлик эксперт.

    22
  • Аркадий Брызгалин

    Ўзбекистондаги солиқлар ислоҳотини “Налоги и финансовое право” (Солиқлар ва молиявий ҳуқуқ) компаниялар гуруҳи раҳбари, ҳуқуқшунос Аркадий Брызгалин ижобий баҳолар экан, якуний натижа бизнесга ва қатор бошқа омилларга боғлиқ бўлишини таъкидлаб ўтди.

    165
  • Президент Турции Реджеп Тайип Эрдоган

    НАТО давлатларига мурожаат қиляпман: ҚИП ва YPG қачон НАТО аъзоларига айланишга улгурди, нега мен бундан бехабарман? Нега НАТО мамлакатлари YPG ни қўллаб-қувватламоқда? Мен сизларни бизга қарши эмас, биз билан бўлишга чорлайман", - деди Туркия президенти.

    35