20:29 22 Ноябр 2019
Эфир
  • RUB149.01
  • EUR10498.56
  • USD9500.96
Сотрудник в офисе

Илмий фаолият юритувчилар учун 48 кунлик меҳнат таътили берилади

© Sputnik / Рамиль Ситдиков
Жамият
Ҳавола олиш
107 0 0

Қонунга мувофиқ, давлат илмий ташкилотларида илмий фаолият юритувчи шахсларга 48 иш кунидан иборат йиллик ҳақ тўланадиган ҳамда моддий ёрдамни кўзда тутадиган меҳнат таътили берилади.

ТОШКЕНТ, 30 окт – Sputnik. “Илм-фан ва илмий фаолият тўғрисида”ги қонун президент томонидан имзоланди.

Қонунга мувофиқ, илм-фан ва илмий фаолият соҳасининг асосий йўналишларидан бири илм-фан ва илмий фаолиятни ривожлантириш орқали миллий иқтисодиёт рақобатбардошлиги ҳамда самарадорлигига эришишдан иборат.

Қонун билан қатор ташкилотларнинг илм-фан ва илмий фаолият соҳасидаги ваколатлари белгилаб берилди.

Пробирки в химической лаборатории
© Sputnik / Алексей Мальгавко

Хусусан, Инновацион ривожланиш вазирлиги илм-фан ва илмий фаолият соҳасидаги ваколатли давлат органи ҳисобланади ҳамда соҳани ривожлантириш масалалари бўйича тегишли ташкилотларнинг фаолиятини мувофиқлаштиради.

Шунингдек, Қонунга кўра, таълим ташкилотида истеъдодларни аниқлаш, танлаш, тарбиялаш бўйича тегишли чора-тадбирлар олиб бориш орқали ёшлар илм-фан ва илмий фаолиятга жалб этилади.

Илмий фаолият юритувчи шахслар:

- инсон ҳаёти ва саломатлиги, атроф табиий муҳитга зарар етказмасликка;

- кўчирмачиликка йўл қўймасликка, ўзгаларнинг илмий ишланмаларини ўзлаштирмасликка ва ёлғон маълумотларга асосланмасликка;

- интеллектуал мулк ҳуқуқлари ва илмий одоб-ахлоқ қоидаларига риоя қилишга мажбурдир.

Қонунга мувофиқ, давлат илмий ташкилотларида илмий фаолият юритувчи шахсларга 48 иш кунидан иборат йиллик ҳақ тўланадиган ҳамда моддий ёрдамни кўзда тутадиган меҳнат таътили берилади.

Қонун расмий эълон қилинган кундан эътиборан кучга киради.

Қонундаги илмий фаолият юритувчилар учун меҳнат таътили назарда тутилган қоидалар 2020 йил 1 январдан эътиборан амалга киритилади.

Асосий мавзулар