ТОШКЕНТ, 5 ноя – Sputnik. Истанбулда 31 октябр куни оғир жароҳатлар билан “Çorlu Devlet Hastanesi” шифохонасига ётқизилган бемор З.В. вафот этди, деб хабар қилмоқда Ўзбекистон ТИВнинг Истанбулдаги Бош консулхонаси.
“Консуллик ва ҳуқуқий масалалар ҳал қилинганидан ва зарур ҳужжатлар расмийлаштирилганидан сўнг ҳамюртимизнинг жасади дафн қилиш учун ватанга юборилди.
Марҳумнинг иш жойи “Yıldız Taşlama” фабрикасидаги авария ва хавфсизлик қоидаларига амал қилмаслик бўйича тергов давом этмоқда. Бош консулхона вазиятни назоратга олди”, - дейилган расмий хабарда.
Эслатиб ўтамиз, Ўзбекистоннинг Истанбулдаги Бош консулхонаси Туркия, Болгария ва Руминия ҳудудидаги Ўзбекистон фуқароларига зарур вазиятларда хизмат кўрсатади.
