17:07 13 Ноябр 2019
Эфир
  • RUB148.82
  • EUR10455.03
  • USD9490.77
Смартфон Android One

Телефонларни рўйхатдан ўтказиш осонлашди

© Youtube / OT4Tech
Жамият
Ҳавола олиш
279 0 0

Телефонни IMEI бўйича эндиликда давлат хизматлари сайти орқали рўйхатдан ўтказиш мумкин бўлади. Тизим жорий йил 1 ноябрдан ишга туширилди.

ТОШКЕНТ, 5 ноя - Sputnik. Интерактив давлат хизматларининг ягона порталида мобил мосламаларнинг IMEI коди бўйича рўйхатдан ўтказиш учун ариза бериш хизмати ишга туширилди.

Бундай хизмат Ўзбекистон ҳудудида қўлланилаётган, ҳудудга олиб кирилаётган ва сотиш учун ёки шахсий фойдаланиш учун ишлаб чиқарилаётган Вазирлар Маҳкамаси томонидан тасдиқланган Мобил мосламаларни рўйхатдан ўтказиш тартиби тўғрисидаги низом асосида амалга оширилади.

Хизмат ёрдамида жисмоний шахслар, импортерлар ва ишлаб чиқарувчи ташкилотлар мосламаларини IMEI коди орқали рўйхатдан ўтказиши мумкин бўлади.

SIM-модулга эга планшетлар, смартфон, мобил/функционал телефонлар, портатив мосламалар, адаптерлар, WLAN роутерлар, loT мосламалари, транспорт воситалари, электрон китоблар, алоқа модуллари, компьютер ва модемлар рўйхатдан ўтказилиши шарт.

IMEI – 15 рақамдан иборат бўлиб, у одатда аппарат аккумулятори остида ёки батарея ечилмас бўлган тақдирда, унинг устки қисмида ёзилган бўлади. Мазкур махсус рақамни аниқлаш учун *#06# рақамини киритиш орқали аниқлаш мумкин.

IMEI - GSM, WCDMA ва IDEN тармоғидаги уяли телефон ҳамда планшетларда, айрим спутник телефонларда қўлланилади.

Асосий мавзулар