ТОШКЕНТ, 18 ноя – Sputnik. Ўзбекистон Гидрометерология маркази хабарига кўра, ушбу ҳафтада Республикада ҳаво ҳарорати кескин совиб кетиши мумкин.
21-24 ноябрда Ўзбекистон ҳудудига Волгабўйи орқали Россиянинг Европа ҳудуди марказий районлари (Москва области) устида шаклланган совуқ ва нам ҳаво оқими кириб келади. Вақти-вақти билан ёғингарчилик бўлади, айрим жойларда ёмғир, қорга айланади. Шамол тезлиги 15-20 метрга етади, - дейилган хабарда.
Шунингдек, 22-24 ноябрда республика ҳудуди бўйича ҳаво ҳарорати кечаси 0 ... –5 даража совуқ, айрим жойларда –8 даража совуққача тушади, кундузи ҳарорат –2 даража совуқдан +3 даража илиққача бўлади.
Ўзбекистон шимолида 21 – 24 ноябр кунлари ҳаво ҳарорати кечаси –10 ... –15 даража совуқ, кундузи –2 ...– 7 даража совуқ бўлиши кутилмоқда.
