Халқ таълими вазирлиги матбуот котиби А.Умаров айтишига қараганда ушбу ҳолат 2 декабрь куни Шайхонтоҳур туманидаги умумий ўрта таълим мактабларининг бирида содир бўлган.
Мактабнинг 8-“Б” синф ўқувчилари синфда ўзаро жой талашиб, бир-бирини ҳақоратлаган ва танаффус вақтида мактаб биноси 3-қаватидаги ўтиш йўлагида уч нафар ўқувчи тўртинчи бирини аямай дўппослаган.
Айни дамда ҳолат юзасидан Шайхонтоҳур туман халқ таълими бўлими, Шайхонтоҳур туман ИИО ФМБ инспекторлари мактаб маъмурияти ўқитувчилар ва ота-оналар ўртасида суриштирув ишларини олиб бормоқда.
Шунингдек, безорилик содир этган ўқувчиларнинг ишини вояга етмаганлар комиссиясига тақдим этиш ва Ўзбекистон Республикаси Маъмурий жавобгарлик тўғрисидаги кодексининг 47-моддаси бўйича жазолаш масаласи кўриб чиқилмоқда.
