ТОШКЕНТ, 30 дек – Sputnik. “Ростов”нинг ўзбекистонлик машҳур форварди Элдор Шомуродов уйланди, деб хабар қилмоқда клуб матбуот хизмати.
Янги йил арафасида ўзбекистонлик ҳужумчи ўзининг яхши кўрган қизига уйланди. Келин 24 ёшда, унинг исми Амина. У Элдор билан бир неча ой олдин танишган. Тўй маросими 28 декабр куни бўлиб ўтган.
Эслатиб ўтамиз, Элдор Шомуродов “Ростов” жамоасида 2017 йилдан буён ўйнайди. У Россия Премьер лигасининг 19та ўйинида иштирок этиб 10та гол урган ва 5та натижали узатма берган. Ўзбекистон терма жамоаси таркибида Шомуродов 2019 йилда 13та гол уриб, йилнинг энг яхши футболчиси деб топилган.
