ТОШКЕНТ, 16 янв – Sputnik. Россия ташқи ишлар вазири в.б. Сергей Лавровни Тошкентда лағмон билан сийлашди. Маълум бўлишича лағмон Сергей Викторовичнинг энг севимли овқатларидан бири экан.
“Тошкентда вазир учун лағмон тайёрлашди – Сергей Викторовичнинг энг севимли овқатларидан бири. Ўзбекчи “юмшоқ куч” амалда”, - деб ёзган Россиянинг Ўзбекистондаги элчихонаси ўз Твиттер каналида.
Эслатиб ўтамиз, Россия ташқи ишлар вазири кеча Тошкентга етиб келган эди. Бугун Сергей Лавров Ўзбекистон ташқи ишлар вазири Абдулазиз Камилов билан музокаралар ўтказиб, бир қатор шартномалар имзолашди. Музокараларда атом энергетикаси ва Шавкат Мирзиёевнинг феврал ойида режалаштирилаётган Россияга ташрифи масалалари муҳокама қилинди.