00:33 28 Феврал 2020
Эфир
  • RUB148.82
  • EUR10329.35
  • USD9526.28
Жамият
Ҳавола олиш
263 0 0

Ўзбекистон ТИВ раҳбари ўз нутқида Марказий Осиё мамлакатлари учун глобал иқлим ўзгариши билан боғлиқ мавжуд ва эҳтимолий таҳдидлар, шунингдек, чекланган сув ресурсларидан оқилона фойдаланиш бўйича мамлакатда кўрилаётган чоралар ҳақида сўзлаб берди.

ТОШКЕНТ, 29 янв — Sputnik. Берлин шаҳрида Ўзбекистон Республикаси Ташқи ишлар вазири Абдулазиз Камилов Германиянинг “Яшил Марказий Осиё” ташаббусига бағишланган конференсияда иштирок этди. Бу ҳақда вазирлик матбуот хизмати хабар қилди.

Ушбу ташаббус доирасида Марказий Осиё мамлакатлари ва Афғонистонда иқлим ўзгариши салбий тасирини юмшатишга қаратилган қўшма лойиҳалар ва тадбирларни амалга ошириш режалаштирилган.

Форумда Германия, Европа Иттифоқи, Марказий Осиё давлатлари ва Афғонистон ташқи сиёсат идоралари раҳбарлари, таниқли иқлимшунос муттахассислар, шунингдек илмий ва жамоат доиралари, бизнес ва ОАВ вакиллари иштирок этди.

Камилов ўз нутқида Марказий Осиё мамлакатлари учун глобал иқлим ўзгариши билан боғлиқ мавжуд ва эҳтимолий таҳдидлар, шунингдек, чекланган сув ресурсларидан оқилона фойдаланиш, энергия тежайдиган ва экологик технологияларни жорий этиш бўйича мамлакатда кўрилаётган чоралар ҳақида сўзлаб берди.

Орол денгизининг экологик фалокатининг салбий оқибатларини юмшатиш масаласи, хусусан, Ўзбекистоннинг Оролбўйини экологик инновациялар ва технологиялар зонасига айлантириш ташаббуси доирасидаги халқаро ҳамкорликнинг аҳамияти алоҳида қайд этилди.

Конференция якунларига кўра Қўшма баёнот қабул қилинди. Унда “Яшил Марказий Осиё” ташаббусини амалга ошириш доирасидаги ўзаро ҳамкорликнинг асосий тамойиллари акс эттирилган.

Асосий мавзулар