ТОШКЕНТ, 3 фев – Sputnik. Хитойда коронавирусдан вафот этганларни дафн этиш тақиқланди. Бу ҳақида Хитойнинг инглиз тилида хабар тарқатувчи Global Times нашри хабар бермоқда.
“nCoV2019 вирусидан вафот этганларнинг танаси қисқа вақт ичида энг яқин крематорийда ёқилиши керак. Уларни дафн этиш ёки қариндошларига бериш таъқиқланади. Дафн маросимларида вирус тарқалиши хавфи мавжуд”, - дейилган Хитой Миллий соғлиқни сақлаш комиссияси хабарида.
Эслатиб ўтамиз, айни дамда дунё бўйича коронавирус юққан кишилар сони 15 мингдан, ушбу вирусдан вафот этганлар сони 370 кишидан ошди.
Соғлиқни сақлаш вазирлиги хабарига кўра, Ўзбекистонда бундай беморлар ҳозирча қайд этилмаган.
Bodies of #nCoV2019 victims should be cremated close by and immediately. Burials or transfer of the bodies not allowed. Funerals not allowed to avoid spread of the virus: National Health Commission (File Photo) pic.twitter.com/IsAHnuY4Rk
— Global Times (@globaltimesnews) February 2, 2020
