06:48 29 Феврал 2020
Эфир
  • RUB148.82
  • EUR10329.35
  • USD9526.28
Жамият
Ҳавола олиш
Хитойда коронавирус эпидемияси (145)
1320 0 0

Коронавирус эпидемияси ҳақида биринчи бўлиб хабар берган Хитойлик 34 ёшли шифокор Ли Вэньлян вафот этди.

ТОШКЕНТ, 7 фев - Sputnik. Коронавируснинг янги тури ҳақида биринчи бўлиб хабар берган, одамларни эпидемиядан огоҳлантирмоқчи бўлган хитойлик шифокор Ли Вэньлян вафот этди, деб хабар қилмоқда Global Times.

Ухан шаҳри марказий шифохонаси доктори Ли Вэньлян 30 декабр куни WeChat тармоғидаги ўз ҳамкасбларига бир кунда "Хуанань" денгиз маҳсулотлари бозорида 7та SARS инфекцияси юқиш ҳолати қайд этилганини ва улар коронавируснинг янги турига (штаммига) таалуқли эканини хабар қилган.

Ушбу пост тез орада тарқалиб, одамлар орасида ваҳима пайдо бўла бошлаган, чунки одамлар SARS эпидемияси қайтишидан жуда қўрқишган.

Бир неча кундан сўнг Ли Вэньлян ва яна 7 нафар шифокор полиция бўлинмасига чақирилиб, “ёлғон маълумот” тарқатиб одамларни ваҳимага солмаслик ҳақида огоҳлантирилган.

Ли Вэньлян 11 январ куни унинг тана ҳарорати ошиб йўтал пайдо бўлганини хабар қилган. Ўзида коронавирус қайд этилгани ҳақидаги пост шифокорнинг ижтимоий тармоқдаги сўнгги пости бўлган. Бир неча кун даволанишдан сўнг 6 феврал тунда у вафот этган.

Эслатиб ўтамиз, SARS ёки атипичная пневмония вируси Хитойга 2003 йилда “ҳужум” қилган эди. Ўшанда дунёнинг 30та мамлакатида 8,4 минг киши ушбу вирус билан касалланган ва 813 киши вафот этган эди.

Хитой ҳукумати 2019 йилнинг 31 декабрь куни Хубэй вилояти Ухан шаҳрида номаълум вирус тарқалгани ҳақида хабар берган эди. Шундан сўнг шаҳар ёпилиб 14 кунлик карантин эълон қилинган эди. Феврал ойининг бошида

31 январ куни Жаҳон соғлиқни сақлаш ташкилоти Хитойда коронавирус тарқалишини Халқаро фавқулодда ҳолат деб олди. Бугунги кунда аксарият давлатлар Хитой билан барча транспорт алоқаларини тўхтатган. Ушбу вирус билан касалланганлар сони 28 минг кишини, вафот этганлар сони 563 кишини ташкил қилмоқда. Яна 3 мингдан ортиқ беморлар оғир аҳволда.

Мавзу:
Хитойда коронавирус эпидемияси (145)

Асосий мавзулар