ТОШКЕНТ, 10 фев – Sputnik. Япония ҳукумати ўзбекистонликларга виза беришдан олдин текширишни кучайтиришни режалаштирмоқда. Ўзбекистон ёшлари умумжаҳон ассоциацияси хабарига асосан.
Таъкидланишича, бу ҳақда Япониянинг Иқтисодиёт газетаси мақола тайёрлади. Ушбу масала бўйича қарор шу йилнинг апрел ойида қабул қилиниши мумкин. Улар биринчи навбатда талабалар учун визалар беришдан олдин кенгайтирилган тестларни жорий этишмоқчи.
Шунингдек, бошқа 80 мамлакат фуқаролари визалар беришдан олдин уларнинг фуқаролари жадал текшириладиган давлатлар рўйхатига киритилиши мумкин. Рўйхат мамлакатнинг иқтисодий аҳволидан келиб чиққан ҳолда тузилган.
Ўзбекистон ёшлари умумжаҳон ассоциациясининг Япониядаги вакили Жўрабек Ҳасановнинг айтилишича, бунга Японияга талабалик мақсадида келиб ўзни ишга урган ва ноқонуний ишлар билан шуғулланганларнинг кўпайиб кетгани сабаб бўлмоқда.
Ушбу масала юзасидан Ассоциациянинг вакили: “Ўз шахсий манфаатингизни давлатнинг (кўпнинг) манфаатидан юқори қўйманг. Сизнинг хатойингиз бутун бошли давлатга таъсир кўрсатади”, — дея таъкидлади.
