18:36 03 Декабр 2020
Эфир
  • RUB137.48
  • EUR12473.23
  • USD10427.38
Жамият
Ҳавола олиш
81120

Макка шаҳрига Умра амалларини бажариш учун кетган ўзбекистонлик олим Бастамқул Саидқулов ўша ерда вафот этди.

ТОШКЕНТ, 1 мар — Sputnik. Ветеринария соҳаси фидойиси, олим Бастамқул Саидқулов жорий йилнинг 27 феврал кунида Макка шаҳрида оламдан ўтди. Бу ҳақда Ветеринария ва чорвачиликни ривожлантириш Давлат қўмитасининг “VETLEGNEWS” телеграм каналида маълум қилинди.

Таъкидланишича, кўплаб шогирдларнинг ардоқли устози Саидқулов Макка шаҳрига Умра амалларини бажариш учун кетган эди.

Ветеринария соҳаси фидойиси, олим Бастамқул Саидқулов
Фото: Ветеринария ва чорвачиликни ривожлантириш Давлат қўмитаси
Ветеринария соҳаси фидойиси, олим Бастамқул Саидқулов

Саидқулов сўнгги йилларда  “Ветеринария тиббиёти” журналини чоп этиш ғоясини илгари сурган ва бугунги кунгача бу журнални таҳририга раҳбарлик килиб келган.

“Соҳа фидойиси Бастамқул Саидқуловнинг яқинлари ва соҳа мутахассисларига чуқур  таъзия изҳор этамиз”, - дейилган хабарда.

Асосий мавзулар