Ўзбекистонда 65 ёшдан ошганларга кўчага чиқмаслик тавсия қилинди

Oбуна бўлиш
Ўзбекистон ҳукумати 65 ёшдан ошганлар ва сурункали касалликлари бўлганларга зарурат бўлмаганда кўчага чиқмасликни тавсия қилди.

ТОШКЕНТ, 22 мар — Sputnik. Ўзбекистонда 65 ёшдан ошганларга зарурат бўлмаган ҳолларда кўчага чиқмаслик тавсия қилинмоқда.

“Ўзбекистон фуқароларининг соғлиғини ҳимоя қилиш мақсадида зарур бўлмаган ҳолларда, айниқса 65 ёшдан юқори ва сурункали касали бор бўлган юртдошларимизни уйидан ташқарига чиқмасликлари ва кўчага чиққанда – шахсий ҳимоя воситалари (ниқоб)да бўлишлари тавсия этилади”, - дейилган Республика махсус комиссияси ахборотида.

Эслатиб ўтамиз, олимларнинг тадқиқотига кўра, ёши улуғлар коронавирус инфекциясига кўпроқ мойил бўлишади ва уларда бошқаларга нисбатан касаллик оғир кўринишда кечади. Қолаверса, сурункали хасталиклари бор ёши катталар орасида ушбу касалликдан ўлим ҳолати кўпроқ учрайди.

Янгиликлар лентаси
0