Карантинга олинган шахснинг телефони нима учун олиб қўйилади – вазирлик изоҳи

© PixabayМобильный телефон в руке
Мобильный телефон в руке - Sputnik Ўзбекистон
Oбуна бўлиш
Адлия вазирлиги карантинга олинган шахснинг телефони нима учун олиб қўйилишини тушунтирди. Учта асосли сабаб кўрсатилган.

ТОШКЕНТ, 25 мар - Sputnik. Ўзбекистон Адлия вазирлиги нима сабабдан барча мобил мосламалар, шу жумладан, мобил телефонлар, банк карталари ва бошқа маълумот ташувчи воситалари карантинга жойлаштирилган одамлардан олиб қўйилишини тушунтирди.

Республика адлия вазирининг ўринбосари Худоёр Мелиевнинг сўзларига кўра, бунинг учта сабаби бор.

“Биринчидан, вирусологларнинг фикрига кўра, ушбу буюмлар инфекцияни ўзларида ушлаб туриш ва уни юқтириш қобилиятига эга, шунинг учун уларни карантин зонасига киритиш санитария талабларига зиддир. Ахир, инфекция қоғоз ва пластмасса юзасида энг узоқ вақт - беш кунгача сақланиб туради", - деди у. Иккинчидан, шу кунларда ҳукуматнинг қарори билан тасдиқланган Низомда, вақтинча олиб қўйилган буюмлар ёрдамида бу шахс билан алоқада бўлганларни ва инкубация даврида у ташриф буюрган жойларни аниқлаш учун фойдаланиш мумкинлиги кўрсатиб ўтилган”.

Усиление санитарно-карантинного контроля в аэропортах - Sputnik Ўзбекистон
Коронавирус мобил телефон орқали ҳам юқади - Алматов

Вазир ўринбосари, масалан, Россияда мобил телефонларнинг GPS функциясидан фойдаланиб, карантин остидаги шахс ташриф буюрган жойлар бўйича таҳлил ўтказилади ва олинган маълумотлар у билан тўқнашиши мумкин бўлган одамлар доирасини аниқлаш учун ишлатилишини таъкидлаб ўтди.

“Баъзи ҳолларда карантиндаги фуқаролар улар билан алоқада бўлган одамлар ҳақидаги маълумотларни яширишади ёки унутишади. Бунга вирус аниқлаган “1-сонли касалланган”мисолдир”, - деди вазир ўринбосари.

“Учинчидан, ушбу чеклов шахсларнинг шахсий маълумотларини тарқатмаслик учун ёрдам беради”, - деди Мелиев.

У ижтимоий тармоқларда карантин жойларидан олинган видеотасвирлар пайдо бўлишига ва кўплаб постларда COVID-19 га қарши кураш чоралари, чет элдан қайтиб келган фуқароларни ушлаб туриш шартлари тўғрисида асоссиз ва бузиб кўрсатилган маълумотлар жойлаштирилганига эътибор қаратди.

Вспышка пневмонии неизвестного происхождения. Предварительно установлено, что возбудителем заболевания стал новый тип коронавируса — 2019-nCoV - Sputnik Ўзбекистон
Коронавирусни пул ва уяли телефон орқали юқтириш мумкин – олимлар

“Шу билан бирга, кўпинча ушбу муассасаларга жойлаштирилган шахсларга нисбатан қонун билан белгиланган шахсий маълумотларнинг чекланишига амал қилинмаяпти. Қонунчиликка кўра, шахсларнинг шахсий маълумотлари махфий маълумотлар сирасига киради”, - деб эслатади адлия вазирининг ўринбосари.

Бузилган маълумотлар ва фақат субектив баҳолашлар аҳоли ўртасида ваҳима ва миш-мишлар пайдо бўлишига ҳамда асоссиз қарорлар қабул қилинишига олиб келади, деди у.

"Вақтинча олиб қўйилган буюмлар касалхонадан чиққанидан кейин эгаларига қайтарилади ёки унинг қариндошлари ва вакилларига топширилади", - дея ишонтирди Мелиев. - Оғир кунларда, бутун Ўзбекистон, бутун ҳалқ коронавирус билан курашаётган дамда, кўрилаётган қатъий чоралар зарур".

Компьютерное изображение, созданное компанией Nexus Science Communication совместно с Тринити колледжем в Дублине, показывает модель, структурно представляющую бетакоронавирус, который является типом вируса, связанного с COVID-19 - Sputnik Ўзбекистон
Коронавирус турли буюмлар устида неча соат ҳаёт кечира олади?

Эслатиб ўтамиз, мамлакатда биринчи маротаба COVID-19 коронавируси Франциядан қайтиб келган мамлакат фуқаросида аниқланган. 25 март куни ушбу касалликка чалинганлар сони 56 тага етди, уларнинг тўрттасининг аҳволи оғир. Беш киши эса тузалмоқда.

Ҳозирда 20 мингдан ортиқ ўзбекистонлик карантиндад. Уларнинг баъзилари касалхоналарда, қолганлари уйларида изоляцияда.

Жаҳон соғлиқни сақлаш ташкилотининг сўнгги маълумотларига кўра, дунёда 438 мингдан ортиқ одам коронавирус билан касалланган, 19 мингдан зиёди вафот этган. Тузалиб кетганлар қарийб 109 минг кишини ташкил этмоқда.

Янгиликлар лентаси
0