ТОШКЕНТ, 31 мар - Sputnik. “Коронавирус инфекцияси махсус даволашни талаб қиладиган касаллик. Албатта бундай пайтларда табиблар ҳам кўпайиб кетиши табиий”, – дейди Санитария-эпидемиология назорати давлат инспекцияси бошлиғи Нурмат Отабеков.
Бугун АОКА ҳузуридаги штабда Санитария-эпидемиология назорати давлат инспекцияси бошлиғи Нурмат Отабеков иштирокида брифинг ўтказилди.
Унда йўлланган “Табиблар коронавирусни даволай оладими?” каби савол юзасидан аниқ ва лўнда жавоб берилди;
"Коронавирус инфекцияси махсус даволашни талаб қиладиган касаллик. Албатта бундай пайтларда табиблар ҳам кўпайиб кетиши табиий. Лекин, ушбу инфекцияга чалинган беморлар шифохона шароитида, юқумли касалликлар, вирусолог, пульмонолог, реаниматолог, педиатр каби мутахассислар тавсияларига асосан даволаниши керак. Бу табиблар даволайдиган касаллик эмас," – деди Отабеков.
