11:09 30 Май 2020
Эфир
  • RUB121.10
  • EUR10637.67
  • USD9554.22
Жамият
Ҳавола олиш
21410

Бугундан автотранспорт воситаларига махсус рухсатномалар бериш тўхтатилди, улар шу кунга қадар берилган стикерландан фойдаланади.

ТОШКЕНТ, 9 апр - Sputnik. Давлат хизматлари агентлиги томонидан автотранспорт воситаларига махсус рухсатнома - стикерлар бериш тўхтатилди, деб хабар қилмоқда Агентлик матбуот хизмати.

Хабарда айтилишига кўра, ушбу чора Ўзбекистонда коронавирус инфекциясининг кенг тарқалишини олдини олиш мақсадида амалга оширилмоқда. 

Республика махсус комиссиясининг қарорига асосан, 9 апрелдан бошлаб автотранспорт воситалари ҳаракатланишига давлат хизматлари марказлари томонидан махсус рухсатнома бериш тўхтатилди. Бунда автотранспорт воситаларига мазкур санага қадар тақдим этилган рухсатномалар асосида ҳаракатланиш ҳуқуқи сақлаб қолинди,- дейилган хабарда.

Хабарда шунингдек, автотранспорт ҳаракатланишига махсус рухсатномалар талаб этилмайдиган ҳолатлари рўйхати қисқартирилиб, алоҳида эълон қилиниши ҳам айтиб ўтилган. Шу вақтга қадар кўриб чиқиш жараёнида бўлган аризалар қаноатлантирилмасдан қолдирилади.

 

Асосий мавзулар