ТОШКЕНТ, 5 май - Sputnik. Карантин муносабати билан ўрнатилган Фарғона шаҳри ичидаги ҳамда вилоятлар орасида ўрнатилган постлар олиб ташланди, деб хабар қилмоқда ИИВ матбуот хизмати.
"Республикамизда карантин тартиби юмшатилиши муносабати билан 4 май санасидан бошлаб Фарғона вилояти маркази ҳамда туманлараро ўрнатилган ички карантин постлари фаолияти тўхтатилди. Фуқароларимиздан карантин постлари фаолияти тўхтатилган бўлсада, карантин қоидаларига қатъий амал қилишларини сўраб қоламиз", - дейилган Фарғона вилоят ИИББ хабарида.
Маълумот учун, коронавирус инфекцияси тарқалишини олдини олиш мақсадида Тошкент ва Нукус шаҳарлари ҳамда вилоятлар марказларида транспорт воситалари ҳаракати чекланган эди.
