ТОШКЕНТ, 25 май - Sputnik. Бугун Ўзбекистондаги барча мактаб битирувчилари учун сўнгги қўнғироқ онлайн равишда бўлиб ўтади. Бу ҳақида "Таълим" телеграм канали хабар қилмоқда.
“Сўнгги қўнғироқ” онлайн тадбирида мактаб директорлари, ўқитувчилар ва ота-оналар битирувчиларни байрам билан онлайн тарзда табриклашади. Шунингдек, битирувчиларнинг ўзлари ҳам жонли эфирда ўз дўстлари ва устозларига тилаклар билдириш имконига эга боʻлишади. Ижтимоий тармоқларда битирувчилар ўз постларида #bitiruvchi_2020_onlayn хештегидан фойдаланган ҳолда ушбу байрамга қоʻшилишлари мумкин.
Тадбир ниҳоясида сўнгги қўнғироқ жиринглаб, “Хайр, мактабим” қўшиғи биргаликда куйланади.
Тадбирни соат 08:30 да УЗРEПОРТ ТВ да ҳамда телеканалнинг Фейсбук ва Ютубдаги саҳифалари орқали жонли эфирда томоша қилиш мумкин.
