ТОШКЕНТ, 28 май - Sputnik. "Ўзбеккино" миллий агентлиги янги "Автосаргузаштлар" - янги мультипликацион сериални тақдим этади. Янги сериал 1-июн – "Болаларни ҳимоя қилиш куни" эфирга чиқади.
"Мультфильмнинг бош қаҳрамонлари Ўзбекистонда ишлаб чиқарилган Damas, Spark, Matiz, Laccetti, Captiva, Malibu, МAN yuk mashinasi, ISUZU автобуси ва бошқалардир. Улар ёш телетомошабинларнинг севимли мультқаҳрамонларига айланади", - дейилган хабарда.
Мультипликацион сериал 1 июнда Ўзбекистоннинг «Oʻzbekiston», «Bolajon», «Oʻzbekiston tarixi», «Oilaviy», «Yoshlar», «Mahalla», «Sevimli TV», «ZOR TV», «MY5», «Milliy», "Uzbekistan-online.uz" каби давлат ва нодавлат телеканалларида намойиш этилади.
Сериалнинг ҳар бир қисмида қувноқ автомобилларнинг саргузаштлари ва Тошкент шаҳрининг гўзал анимацион манзаралари акс эттирилган.
Ушбу мультфильм нафақат кўнгилочар, балки тарбиявий аҳамиятга х,ам эга. Яъни уни кўрган жажжи томошабинлар чин дўстлик, меҳрибонлик, меҳнаткашлик, самимийлик, масъулиятли бўлиш каби фазилатларни ўрганади. Шунингдек, улар йўл ҳаракати қоидалари бўйича маълум кўникмаларга эга бўлади.
