04:46 04 Август 2020
Эфир
  • RUB137.46
  • EUR12021.09
  • USD10209.86
Жамият
Ҳавола олиш
456 0 0

Андижон вилояти ва Тошкент шаҳрида навбатдаги коронавирусдан ўлим ҳолати кузатилди. Жами қурбонлар сони 151 нафарга етди.

ТОШКЕНТ, 2 авг — Sputnik. Соғлиқни сақлаш вазирлиги коронавирус билан касалланган андижонлик ва тошкентлик фуқаролар вафоти ҳақида хабар қилди.

Андижон туманида яшаган 63 ёшли Б.П. (эркак)да COVID-19 тасдиқлангач, нафас етишмовчилиги белгилари кучайган ҳолатда вилоят юқумли касалликлар шифохонасининг реанимация бўлимига ётқизилган.

Унга COVID-19 нинг ўта оғир кечиши, икки томонлама пневмония ташхиси қўйилган. Касаллик ўткир респиратор дистресс синдроми, ўткир юрак қон-томир ва нафас етишмовчилиги асоратлари билан кечган.

У ўткир нафас, юрак қон-томир ҳамда полиорган етишмовчилигидан вафот этган.

Пойтахтнинг Учтепа туманида яшаган 56 ёшли Д.Ш. (аёл)да COVID-19 тасдиқланган ва тана ҳарорати кўтарилиб, нафас етишмовчилиги кучайганлиги сабабли Тошкент тиббиёт академиясининг клиникасига ётқизилган.

Унга COVID-19 нинг ўта оғир кечиши, икки томонлама пневмония ташхиси қўйилган. Касаллик ўткир респиратор дистресс синдроми, ўткир нафас етишмовчилиги, ўпка шиши, полиорган етишмовчилиги асоратлари билан кечган.

Аёл ўткир нафас ва юрак қон-томир  етишмовчилиги, ўпка шишидан вафот этган.

Шу тариқа Ўзбекистонда коронавирус қурбонлари сони 151 нафарга етди.

Асосий мавзулар