ТОШКЕНТ, 10 ноя - Sputnik. Хоразм вилояти ички ишлар бошқармаси ва Давлат хавфсизлик хизмати Хива шаҳар бўлими ходимлари ўзининг тўрт ойлик чақалоғини пулламоқчи бўлган аёлни қўлга олди. Бу ҳақда Тергов департаменти хабар бермоқда.
22 Феврал 2018, 18:43
Хабарда айтилишича, аёл бу ишни пулга муҳтожлиги учун амалга оширган.
"Аёл моддий даромад орттириш мақсадида вояга етмаган 4 ойлик қиз фарзандини сотаётган вақтида қўлга олинди", - дейилади хабарда.
Она ўз фарзандини 120 миллион сўмга сотаётган вақтда, махсус ташкил этилган операция давомида қўлга олинган.
Чақалоқ онадан давлат қарамоғига олиб қўйилган. Аёл озодликдан маҳрум этилиши кутилмоқда.