Йигирмадан зиёд туман шоли авлодли уруғчилик етиштиришга ихтисослаштирилади

© Sputnik / Виталий Тимкив / Медиабанкка ўтишРисовый колос
Рисовый колос - Sputnik Ўзбекистон, 1920, 04.02.2021
Oбуна бўлиш
Шунингдек, Уруғчилик хўжаликларида навбатлаб экиш тизими йўлга қўйилади. Бунда, бир далада 2 йилдан ортиқ шоли етиштирилишига йўл қўймаслик бўйича илмий асосланган алмашлаб экиш тизими жорий қилинади
ТОШКЕНТ, 4 фев — Sputnik. “Шоли етиштиришни янада ривожлантириш чора-тадбирлари тўғрисида”ги президент қарори қабул қилинди.
Қарорга мувофиқ, шоличилик кластерлари ёки шоли экишга рухсат этилган минтақаларда шоли етиштирувчи фермер хўжаликлари базасида элита уруғчилик хўжаликлари ташкил этилади.
Шунга кўра, республика бўйича жами 22 та туман шоли авлодли уруғчилик етиштиришга ихтисослаштирилиб, уларда 17 452 гектар шоли майдони ташкил этилади. 
2021 йил 1 июндан уруғлик шолига мувофиқлик сертификатини бериш, белгиланган тартибда аккредитациядан ўтказилган юридик шахслар томонидан ҳам амалга оширилади.
Выращивание риса в Краснодарском крае - Sputnik Ўзбекистон, 1920, 07.08.2019
Ўзбекистонда янги усулда шоли етиштирилади
Шунингдек, Уруғчилик хўжаликларида навбатлаб экиш тизими йўлга қўйилади. Бунда, бир далада 2 йилдан ортиқ шоли етиштирилишига йўл қўймаслик бўйича илмий асосланган алмашлаб экиш тизими жорий қилинади.
2021 йилда жами шоли майдонларининг камида 20 фоизида кўчатлаб экиш, камида 50 фоизида лазер ускунаси ёрдамида ер текислаш тизими жорий этилиб, камида 30 фоизида шоли замонавий уруғ сеялкалари орқали экилади.
2021 йил 31 декабрга қадар шоли етиштиришда шолини замонавий уруғ сеялкалари ҳамда кўчатлаб экиш ускуналарини сотиб олган қишлоқ хўжалиги ишлаб чиқарувчиларга сотиб олинган уруғ сеялкалари ва кўчатлаб экиш ускуналари қийматининг 20 фоизигача Давлат бюджетидан қоплаб берилади.
Қарор билан, шунингдек, Қорақалпоғистон Республикаси ва вилоятларда 2021 йил ҳосили учун шоли етиштириш прогноз кўрсаткичлари тасдиқланди. Шунга кўра, жорий йилда республика бўйича 129 357 гектар майдонда шоли етиштириш назарда тутилган.
Бундан ташқари, Қорақалпоғистон Республикасида Тошкент давлат аграр университетининг Нукус филиали ҳамда Вьетнам аграр университети билан биргаликда шоличилик йўналишида қўшма факультет ташкил қилинади.
Янгиликлар лентаси
0