Ўзбекистон-Жанубий Корея футбол ўйинига чипталар сотилиши бошланди

© AP Photo / Vahid SalemiФутбольные болельщики из Узбекистана
Футбольные болельщики из Узбекистана - Sputnik Ўзбекистон
Oбуна бўлиш
Ўзбекистон ва Жанубий Корея ўйини 5 сентябр куни "Бунёдкор" стадионида бўлиб ўтади

ТОШКЕНТ, 30 авг — Sputnik. Тошкентда 27 августдан бошлаб 2018 йил жаҳон чемпионати саралаш босқичининг ҳал қилувчи баҳси ҳисобланган Ўзбекистон-Жанубий Корея терма жамоалари ўртасида бўлиб ўтадиган ўйинга кириш чипталари сотилиши бошланди, деб хабар қилди Sputnik мухбири.

Товарищеский матч сборных Узбекистана и Грузии по футболу. - Sputnik Ўзбекистон
Ўзбекистон терма жамоаси Қирғизистонни йирик ҳисобда мағлуб этди

"Бунёдкор" стадиони кассаларида берилган маълумотларга кўра, бугунги кунда уч тоифадаги чипталарни сотиб олиш мумкин. Хусусан, чипталарнинг нархи: биринчи класс 35 минг сўм, иккинчи класс — 30 минг сўм. Юқори қулайлик чипталари эса 60 минг сўмга сотиб олиш мумкин.

"Ҳозир кассаларда чипталар бор. Лекин терма жамоамиз ишқибозлари чипталарни сотиб олишга тезроқ ҳаракат қилишларини тавсия берамиз. Амалиёт шуни кўрсатадики, бундай ўйинлар тўла стадионларда ўтади, кассаларда чипталар узоқ туриб қолмайди", — деди "Бунёдкор" стадиони вакили.

Ҳақиқатдан ҳам стадион кассалари олдида одамлар гавжум.

"Ўзбекистонлик футболчиларга Жанубий кореяликлар билан бўлиб ўтадиган ўйин осон кечмайди. Ҳозирча Хитойда бўлиб ўтадиган ўйин натижаси ноаниқ. Тўғрисини айтганда, агарда биз хитойликларга мағлуб бўлсак, жаҳон чемпионатида қиладиган ишимиз қолмайди. Яхши ният қиламиз, терма жамоамизни қўллаб-қувватлашга албатта келамиз, стадион тўла бўлиши аниқ. Умид қиламиз жамоамиз бизни ранжитмайди", — деди "Пахтакор" ва миллий терма жамоалари ишқибози бўлган Сардор исмли йигит.

Эслатиб ўтамиз, Ўзбекистон ва Жанубий Корея ўйини 5 сентябр куни "Бунёдкор" стадионида бўлиб ўтади. Ўйин соат 20:00 бошланиши режалаштирилган.

Ҳозирги вақтда Самвел Бабаян мураббийлик қилаётган миллий терма жамоа учинчи ўринда. Жумладан, Ўзбекистон Эрондан 8 очко, Жанубий Кореядан 1 очко ортда қолмоқда.

Россияда бўлиб ўтадиган ЖЧ-2018 якуний қисмига А гуруҳининг икки энг яхши жамоалари чиқади. Учинчи ўрин олган жамоа В гуруҳида учинчи ўрин олган жамоа билан беллашади.

Ушбу курашда ғалабани қўлга киритган жамоа Шимолий ва Марказий Америка ва Кариб ҳавзаси мамлакатларининг тўртинчи жамоаси билан куч синашади.

Янгиликлар лентаси
0