02:36 11 Декабр 2018
Эфир
  • RUB125.22
  • EUR9456.46
  • USD8312.64
Футболист ташкентского Локомотива Марат Бикмаев

Марат Бикмаев ҳакамлар ва ишқибозларни ҳақорат қилгани учун жазоланди

© Фото: пресс-служба Профессиональной футбольной лиги
Спорт
Ҳавола олиш
276 0 0

Ўзбекистон ПФЛ маъмурияти Марат Бикмаевни 20 миллион сўмга жаримага тортди ва бўлажак 2та ўйиндан четлатди.

ТОШКЕНТ, 28 ноя – Sputnik. Ўзбекистон ПФЛ маъмуриятининг Этика қўмитаси “Локомотив” жамоаси ўйинчиси Марат Бикмаевнинг ҳатти-ҳаракатини юзасидан йиғилиш ўтказди, деб хабар қилмоқда ПФЛ матбуот хизмати.

Этика қўмитаси ушбу вазиятни атрофлича ўрганиб чиққан ҳолда, Мусобақалар регламентининг интизомий ва жарималар кодекси 3-бўлим, 5.45 бандининг “Г” қисмини қўпол равишда бузгани эътироф этилган Марат Бикмаевнинг 31-тур ўйини вақтида ва унгача бўлган 23-тур учрашуви пайтида ҳам одоб-аҳлоқ қоидаларидан четга чиққанини инобатга олиб, футболчини 2 та расмий ўйинга четлатди ва футболчига нисбатан 20миллион сўм миқдорида жарима белгиланди.

“Марат Бикмаевнинг “Пахтакор”га қарши ўйинда ҳам одоб-аҳлоқ қоидаларига мос келмайдиган хатти-ҳаракат амалга оширганини асло оқлаб бўлмайди. Зеро миллий терма жамоа аъзоси барчага ўрнак бўлиши лозим аслида”, - дейилган хабарда.  

Эслатиб ўтамиз, PEPSIСуперлига 31-тур учрашувлари доирасидаги “Локомотив” – “Пахтакор” учрашуви вақтида “Локомотив” жамоаси футболчиси Марат Бикмаев “Пахтакор” жамоаси мухлислари томон қўли билан хунук ҳаракат кўрсатган эди.

Ундан ташқари, суперлига 23-тур учрашувлари доирасидаги “Металлург” – “Локомотив” баҳси 90+4 дақиқасида ҳам “темирйўлчилар” жамоаси захира ўриндиғида ўтирган Марат Бикмаев ҳакамлар гуруҳини ҳам ҳақорат қиган ва Бикмаев иккита расмий учрашувдан четлатилган эди.

Асосий мавзулар