ТОШКЕНТ, 17 янв – Sputnik. Ўзбекистон миллий терма жамоаси аъзоси Сардор Рашидов Португалиянинг "Насьонал" клуби билан шартнома имзолади, деб хабар қилмоқда, ЎФА матбуот хизмати.
“Ўзбекистон миллий терма жамоаси аъзоси Сардор Рашидов эндиликда Португалиянинг "Насьонал" жамоаси шарафини ҳимоя қилади. Клуб ўз расмий сайтида Рашидов билан 2,5 йиллик шартнома имзолаганини эълон қилди”, - дейилган хабарда.
ЎФА хабарида Португалия клуби ўз сайтида жойлаштирган маълумот ҳам келтирилган:
Истеъдодли ва жисмоний жиҳатдан бақувват бўлган Сардор Рашидов асли ҳужумчи. Лекин у қанотларда ҳам муваффақиятли тўп сура олади.
Сардор Рашидов ҳақида қисқа маълумот: Туғилган йили: 14 июнь 1991 йил Бўйи: 184 см, Оғирлиги: 76 кг Аввалги клуби: "Локомотив", Тошкент Ўзбекистон МТЖ таркибида 45та ўйинда майдонга тушиб, 12та гол киритган. Сардор Рашидов ижросини чиройли голлар жамланмасини келтирамиз.
