ТОШКЕНТ, 4 сен - Sputnik. Ўзбекистонлик Элдор Шомуродов август ойида Россия Премьер лигасининг энг яхши ўйинчиси деб топилди. Бу ҳақида РПЛ матбуот хизмати хабар қилмоқда.
Хабарда айтилишига кўра, экспертлар, тележурналистлар ва футбол мухлислари ушбу қарорни якдиллик билан қабул қилишган.
🌟 Элдор Шомуродов – лучший игрок #РПЛ в августе!
— Российская Премьер-Лига (@rfpl) 3 сентября 2019 г.
🙌 Эксперты РПЛ, эксперты @matchpremier и болельщики единогласно выбрали нападающего @rostovfc!
5⃣ В пяти матчах в августе Шомуродов забил пять голов!#ИгрокМесяцаРПЛ #Шомуродов pic.twitter.com/HqKKQseaHc
“Ростов” ҳужумчиси август ойининг энг натижали футболчиси деб аташмоқда: Шомуродов бешта турда бешта гол урган ва чемпионат доирасида эса 7та гол билан ҳужумчилар орасида етакчилик қилмоқда.
Шунингдек ўтган ойнинг энг яхши мураббийи деб, “Ростов” жамоаси тренери Валерий Карпин тан олинган. Жамоа бешта ўйиндан 3тасини ғалаба билан якунлаган, айни дамда турнир таблицасида биринчи қаторни "Зенит" ва "Краснодар" жамоалари билан бўлишмоқда.
24- ёшли Ўзбекистон терма жамоаси ҳужумчиси 2019 йилнинг май ойида “Ростов” жамоаси билан қиймати 1 миллион доллар бўлган 3 йиллик трансфер шартномаси имзолаган эди.
Айни дамда Шомуродов Ўзбекистон жамоаси билан 2022 йилда бўлиб ўтадиган Жаҳон чемпионатига тайёргарлик кўрмоқда. Унинг энг катта орзуси – Ўзбекистон термси билан жаҳон чемпионатида иштирок этиш.
