ТОШКЕНТ, 18 дек - Sputnik. Ўзбекистон Миллий гвардияси ҳарбий хизматчиси, Олимпиада чемпиони, профессионал боксда супер енгил (-63,5 кг) вазн тоифасида фаолият олиб бораётган Фазлиддин Ғоибназаров 16 декабрь куни Қозоғистоннинг Олмаота шаҳрида ўтказилган профессионал бокс турнирида иштирок этди.
Ушбу жангда Фазлиддинга украиналик Владислав Баранов рақиблик қилди. Украиналик боксчининг жигарига берилган кучли зарба натижасида хизматдошимиз рақибини 99 сонияда нокаутга учратиб, ғалабага эришди.
Маълумот учун, Фазлиддин шу кунга қадар проф рингда саккизта жанг ўтказиб, уларнинг еттитасида ғолиб бўлган. Битта жангда (Майкл Фоксга) эса мағлуб бўлган.
Баранов эса 13 та жанг ўтказиб, уларнинг 6 тасида ғалаба қозонган. 5 та жангда эса мағлуб бўлиб, 2 та баҳсда дуранг қайд этган эди.
