ТОШКЕНТ, 30 янв — Sputnik. Эртага Ўзбекистон футбол ассоциацияси ва Любинко Друлович ўртасидаги шартнома ўз ниҳоясига етади. ЎФА хорижлик мутахассиснинг ваколатини узайтирмаслик тўғрисида қарор қабул қилди. Бу ҳақда Sputnik мухбири хабар қилмоқда.
Любинко Друлович 2019 йилдан буён Ўзбекистон олимпия терма жамоаси бош мураббийи сифатида фаолият юритиб келаётган эди.
Жорий йилнинг 25 январь куни Таиландда ўтган футбол бўйича 23 ёшгача бўлган футболчилар ўртасидаги Осиё чемпионати—2020 мусобақасида учинчи ўрин учун ўйинда Ўзбекистон жамоаси австралияликларга мағлуб бўлган эди. Бу Ўзбекистонни Токио-2020 йўлланмасидан маҳрум этди.
