Оғир атлетика бўйича ОЧ Ўзбекистонда ўтказилиши расман эълон қилинди

© Sputnik / Юлия ЧестноваСпортсмен на соревнованиях по тяжелой атлетике
Спортсмен на соревнованиях по тяжелой атлетике - Sputnik Ўзбекистон
Oбуна бўлиш
Осиё чемпионати Қозоғистонда ўтказилиши керак эди. Аммо мусобақа Хитойда коронавируснинг янги тури тарқалиши сабабли Қозоғистондан Ўзбекистонга кўчирилди.

ТОШКЕНТ, 18 фев — Sputnik. Жорий йилнинг 16-25 апрель кунлари бўлиб ўтадиган оғир атлетика бўйича Осиё чемпионатига Ўзбекистон мезбонлик қилади. Бу ҳақда Спорт вазирлиги хабар қилмоқда.

Таъкидланишича, бу турнир Қозоғистонда ўтказилиши белгиланган эди. Аммо Осиё чемпионати Хитойда коронавируснинг янги тури тарқалиши сабабли Қозоғистондан Ўзбекистонга кўчирилди.

Боксерские перчатки, архивное фото - Sputnik Ўзбекистон
Хавфли вирус сабаб бокс бўйича Хитойдаги турнир бекор қилинди

Осиё оғир атлетика федерациясининг махсус баёнотида маълум қилинишича, халқаро ташкилот мусобақани Қозоҳистон ҳукумати Хитой билан чегарадош мамлакатлардан бўлган йўловчиларнинг ҳаракатига чекловлар киритгани сабабли бошқа жойда ўтказишга қарор қилган.

“Осиё оғир атлетика федерацияси ижроия қўмитаси ҳозирги вазиятни зудлик билан муҳокама қилди ва Осиё чемпионатини Ўзбекистонга кўчириш тўғрисидаги қарорга келди”, - дейилади баёнотда.

Эслатиб ўтамиз, аввалроқ Малайзияда ўтказилиши белгиланган велоспортнинг шоссе йўналишида Осиё чемпионати коронавирус туфайли бекор қилингани хабар қилинган эди.

Янгиликлар лентаси
0