Равшан Эрматов сўнгги ўн йилликнинг энг яхши ҳакамлари рўйхатига киритилди

© Ассоциация футбола УзбекистанаРавшан Ирматов
Равшан Ирматов - Sputnik Ўзбекистон
Oбуна бўлиш
Халқаро футбол тарихи ва статистикаси федерацияси (IFFHS) рўйхатида Равшан Эрматов энг яхши ҳакамлари орасидан 16-ўринни эгаллади.
ТОШКЕНТ, 14 янв — Sputnik. Халқаро футбол тарихи ва статистикаси федерацияси (IFFHS) сўнгги ўн йилликнинг энг яхши ҳакамлари рўйхатини тузди.
Ушбу рўйхатга ўзбекистонлик футбол ҳаками Равшан Эрматов ҳам киритилди. 
2011-2020 йиллар оралиғида IFFHS ҳакамларнинг ҳар бир йилдаги рейтингини олган ва шу орқали уларни баҳолаган. Йил ҳаками бўлганларга 20 балл, 2-ўриндагиларга 19 балл, 3-поғонадагиларга эса 17 очко берилди ва 20-ўринга қадар шу тарзда баҳоланган.
Равшан Эрматов - Sputnik Ўзбекистон
Равшан Эрматовнинг 17 мавсуми
Унга кўра, энг яхши ҳакам деб германиялик Феликс Брих (141 балл) топилди. Ундан 1 очкога ортда қолган туркиялик Жунайт Чақир эса 2-бўлди. Кучли учликка нидерландиялик Бьорн Кюйперс киритилган. 
Ўзбекистонлик Равшан Эрматов эса 33 балл билан 16-ўриндан жой олди.
Равшан Эрматов фаолиятининг энг ёрқин лаҳзалари - фотожамланма
Эслатиб ўтамиз, жисмоний тарбия ва спорт вазирининг биринчи ўринбосари лавозимида ишлаб келаётган Равшан Эрматов беш марта Осиёнинг энг яхши ҳаками деб топилган.
У фаолияти давомида учта Жаҳон чемпионатида қатнашиб, бош ҳакам сифатида 11 ўйинни бошқарган ва бу кўрсаткич бўйича рекордчи ҳисобланади.
Янгиликлар лентаси
0