Ўзбекистонда илк бор велоспорт бўйича профессионал жамоа ташкил этилди

© Sputnik / Asatur YesayantsВелоспорт
Велоспорт - Sputnik Ўзбекистон
Oбуна бўлиш
Клуб шоссе ва трек йўналишларида эркаклар ва аёллар бўйича алоҳида жамоага эга бўлади. Жамоага 16 нафар эркак ва аёл спортчиларни жалб қилиш мумкин.
ТОШКЕНТ, 28 янв — Sputnik. 27 январь куни велоспорт бўйича Ўзбекистоннинг илк профессионал клуби Адлия вазирлиги рўйхатидан ўтди. Бу ҳақда Миллий олимпия қўмитаси матбуот хизмати хабар қилмоқда.
Клуб штаб-квартираси ва спортчилар шуғулланадиган асосий база Словениянинг Любляна шаҳрида бўлади. Шунингдек, Ўзбекистонда ҳам жамоанинг яна бир базаси жойлашади.
“Режага кўра, Муроджон Холмуродов, Ольга Забелинская каби велоспортчиларимиз “Uzbekistan Cycling Pro Team” клуби билан шартнома тузадиган илк райдерлар бўлишади”, - дейилган хабарда.
Клуб шоссе ва трек йўналишларида эркаклар ва аёллар бўйича алоҳида жамоага эга бўлади. Жамоага 16 нафар эркак ва аёл спортчиларни жалб қилиш мумкин. Бундан ташқари, жамоага легионер спортчиларни ҳам жалб қилиш мумкин. 
Клуб ўзининг илк стартини март ойининг сўнгида Словенияда ўтадиган мусобақада ўтказиши кутилмоқда.
Янгиликлар лентаси
0