7 сентябрь куни Украина ва Россия ўртасида маҳбусларни алмашиш тадбири ўтказилди. Бунинг натижасида ҳар бир томондан 35 киши ватанига қайтди. Киевдан махсус борт билан журналист Кирилл Вишинский ҳам келди.
Бугун 9 сентябрь куни “Россия сегодня” халқаро ахборот агентлигида журналист Кирилл Вишинскийнинг матбуот анжумани ўтказилди. Тадбир бошланишидан олдин журналистнинг ҳамкасблари кутиб олди.
Ҳамкасблар Кирилл озод бўлгандан сўнг, айтган энг ёрқин ибораси: “журналист қамоқда қолмаслиги керак” деб ёзилган футболкани совға қилишди.
“Мени кутганингиз учун раҳмат”, - деб миннатдорлик изҳор этди Вишинский.
