Эрдўғоннинг рафиқаси ҳарамларга “ҳаёт мактаби” дея таъриф берди

© AP Photo / Murat CetinmuhurdarТуркия президенти Тойиб Эрдўғон рафиқаси Эмине Эрдўғон билан
Туркия президенти Тойиб Эрдўғон рафиқаси Эмине Эрдўғон билан - Sputnik Ўзбекистон
Oбуна бўлиш
Туркиянинг биринчи хоними Халқаро хотин-қизлар куни муносабати билан сўзга чиқар экан, Усмонийлар салтанати давридаги ҳарамлар мамлакат аёллари ва сулола вакиллари учун ажойиб ҳаёт мактаби вазифасини ўтаган, деган фикрни билдирди.

 

ТОШКЕНТ, 10 мар — Sputnik. Туркия президенти Тойиб Эрдўғоннинг рафиқаси Эмине Эрдўғон Усмонийлар салтанати давридаги ҳарамлар Туркия тарихида ижобий рол ўйнаганини таъкидлади. Биринчи хоним фикрига кўра, ҳарамлар мамлакат аёллари ва салтанат вакиллари учун ўзига хос ҳаёт мактаби вазифасини ўтаган экан.

Туркия президенти Тойиб Эрдўғон. - Sputnik Ўзбекистон
Эрдўғон “қурдлар масаласи”ни ҳал қилишга чақирган олимларни “нодонлар” деб атади

"Жаҳонга машҳур санъат асарлари билан танишар эканмиз, аксарият ҳолатларда, ҳокимият ва муҳаббат ишқида ёнган аёллар суратларига кўзимиз тушади. Шу билан бир қаторда, ҳарамлар аёллар учун ўзига хос мактаб вазифасини ўтаган, бунда улар ҳаётдан сабоқ олишган: таълим олганлар, саҳоват ишлари билан шуғулланганлар. Бу ишларнинг барчаси султонларнинг волидалари томонидан бошқарилган", — деди Туркиянинг биринчи хоними “Бизнинг тарихимизда ўчмас из қолдирган султонларнинг волидалари” анжуманидаги иштироки давомида.

Эмине Эрдўғоннинг ушбу таъкиди Туркиядаги ижтимоий тармоқ фойдаланувчилари орасида катта шов-шувларни келтириб чиқарди. Норозилик билдирганларнинг аксариятини, ҳатто китоблар мавжуд бўлмаган ҳарамларда, қандай қилиб ажойиб таълимот берилиши мумкин деган савол ҳайратга солган эди.

 

Янгиликлар лентаси
0