ТОШКЕНТ, 25 окт — Sputnik, Дмитрий Злодорев. АҚШ Давлат департаменти душанба куни мамлакат фуқароларини Туркия ҳудудида террорчилик эҳтимоли ҳали ҳам кучли эканлиги ҳақида огоҳлантирди.
"Давлат департаменти Туркияда террорчи гуруҳлар томонидан амалга оширилиши мумкин бўлган терактлар хавфи кучли эканлиги ҳақида огоҳлантиришда давом этади. АҚШ фуқаролари Туркиянинг жанубий-шарқий қисмига ва умуман Туркия ҳудудига саёҳат қилишдан олдин барча хавфларни яхшилаб ўрганиши керак", — дейилган хабарда.
Хабарда айтилишича, Туркиянинг туристлар гавжум бўладиган ҳудудларида, йирик тадбирлар чоғида, ресторанларида, савдо марказларида, масжидларида, йирик транспорт боғламаларида, кўприк, аэропорт, метро, автобус ва денгиз портларида террорчилик амалга оширилиши мумкин.
Эслатиб ўтамиз, ушбу йилнинг март ойида Истамбулнинг энг гавжум Султонахмет майдонида худкуш террорчи Германиялик туристлар гуруҳи орасига кириб ўзини портлатиб юборган эди. Ўшанда 10 киши қурбон бўлган эди.
