ОАВ: Трамп ва унинг оиласини қўриқлаш учун кунига 1 млн $ сарфланмоқда

© REUTERS / Mike SegarДональд Трамп, ўғли Баррон ва рафиқаси Меланья
Дональд Трамп, ўғли Баррон ва рафиқаси Меланья - Sputnik Ўзбекистон
Oбуна бўлиш
Янги сайланган АҚШ президенти ва унинг оиласини қўриқлаш Нью-Йорк шаҳри ҳокимлиги учун кунига бир миллион долларга тушмоқда, деб хабар қилмоқда РИА Новости

ТОШКЕНТ, 22 ноя — Sputnik. CNN телеканали хабарига кўра, Трамп ва унинг оиласини қўриқлаш учун Нью-Йорк шаҳри ҳукумати кунига бир миллион доллардан зиёд маблағ сарфламоқда.

Иванка Трамп - Sputnik Ўзбекистон
Иванка Трамп - Американинг бўлғуси "биринчи хоними"
Телеканал таъкидига кўра, Трамп Оқ уйга кўчиб ўтган тақдирда ҳам бу сарф-ҳаражатлар миқдори камаймайди, нега деганда Трампнинг рафиқаси Меланья ва уларнинг 10 яшар ўғиллари Бэррон ўқув йили охирига қадар Нью-Йоркнинг Манхэттенида жойлашган Trump Tower биносидаги пентхаусда қолиш ниятида. Трампнинг ўзи уларни мунтазам равишда бориб кўришини таъкидламоқда.

Хабарга кўра, Трампнинг тўнғич фарзандлари ва набиралари ҳам айни вақтда АҚШ Маҳфий хизмати томонидан қўриқланмоқда. Кундалик ҳаражатларга булар ҳам киритилган, деб таъкидлаган Нью-Йорк полицияси вакили Жон Миллер.

Нью-Йорк мэри Билл Де Блазионинг сўзларига кўра, шаҳарга тез кунда президент оиласини қўриқлаш учун молиявий ёрдам керак бўлиши мумкин.

Мэрнинг сўзларига кўра, шаҳар ҳукумати тез орада федерал ҳукуматга мурожаат этиб, Нью-Йорк полициясига кетаётган ҳаражатларнинг бир қисмини ундириб беришни илтимос қилади.

Нью-Йорк ҳукумати вакилларининг таъкидларига кўра, АҚШнинг янги сайланган президенти мамлакатнинг энг йирик ва энг одам гавжум шаҳарларидан бирида истиқомат қилаётгани учун уларни қўриқлашга миллионлаб доллар сарфланмоқда.

Янгиликлар лентаси
0