Путин Трампнинг ақлли инсон эканлигини айтди

© Sputnik / Алексей Дружинин / Медиабанкка ўтишВладимир Путин
Владимир Путин - Sputnik Ўзбекистон
Oбуна бўлиш
Ноябр ўрталарида Путин ва Трамп дастлабки телефон орқали суҳбатини амалга оширишган ва муаммоларни ҳал қилишда биргаликда ишлашга тайёрликларини билдиришганди

ТОШКЕНТ, 4 дек — Sputnik. Россия президенти Владимир Путин АҚШнинг янги сайланган президенти Дональд Трамп ақлли инсон эканлигини, шунинг учун у масъулиятни тез ҳис қилишини ва Россия унинг айнан мана шу нуқтаи назардан келиб чиқиб ҳаракат қилишига ишонишини билдирди.

Россия президенти Владимир Путин - Sputnik Ўзбекистон
Биринчи қўнғироқ: Путин ва Трамп нима ҳақда гаплашди?

"Трамп тижоратчи ва тадбиркор бўлган. Бугун эса давлат арбоби, дунёнинг етакчи, иқтисодиёти ривожланган, ҳарбий қудратга эга Америка Қўшма Штатларининг етакчиси. Унинг бизнесда эришган муваффақиятлари бу инсоннинг ақлли эканлигини кўрсатади. Ақллими, демак, масъулият даражасини етарлича тез англайди. Биз унинг айнан мана шу нуқтаи назардан келиб чиқиб иш олиб боришига ишонамиз", — деди Путин НТВ каналида берган интервьюсида.

Ноябр ўрталарида Путин ва Трамп дастлабки телефон орқали суҳбатини амалга оширишган ва икки томонлама муносабатларни бугунги инқироз ҳолатидан олиб чиқиш ҳамда халқаро миқёсдаги муаммоларни ҳал қилишда биргаликда ишлашга тайёрликларини билдиришганди.

Янгиликлар лентаси
0