ТОШКЕНТ, 2 фев — Sputnik. Украина Олий Радаси депутати Надежда Савченко Украина етакчиси Петр Порошенкони халқ душмани, деб атаган. Бу ҳақда РИА Новости халқаро ахборот агентлиги хабар берган.
"Менинг халқимга душман бўлган, менинг ҳам душманимдир. Ҳаракатлари халқ ҳаётига салбий таъсир кўрсатадиган киши ҳам менга — ёт. Оддий халқ биз кундан-кунга ёмон яшаяпмиз, деб айтяпти. Ҳа, менинг фикримча, у (Порошенко. — таҳр.) — халқ душмани", — деб айтган Савченко "Новое время" нашрига берган интервьюсида.
Савченкотурли қонуний, шу жумладан, сиёсий усуллар билан Украина президентига қарши курашиш нияти борлигини маълум қилган.
Илгарироқ Савченко Украинада мамлакатнинг амалдаги ҳукуматига мақбул бўлмаганлар йўқ қилинаётгани ҳақида маълум қилган эди.
