Ким Чен Нам 5 йил олдин КХДР раҳбаридан уни авф этишини сўраб ёлборган

© AFP 2023 / STR / JOONGANG SUNDAY VIA JOONGANG ILBOКим Чен Нам, КХДР етакчисининг акаси
Ким Чен Нам, КХДР етакчисининг акаси - Sputnik Ўзбекистон
Oбуна бўлиш
Малайзия аэропортида вафот этган Ким Чен Нам 2012 йилда ўз укаси - Шимолий Корея раҳбари Ким Чен Индан - уни авф этишини сўраган, деб баёнот қилди Жанубий Корея разведка хизмати

ТОШКЕНТ, 15 фев — Sputnik. Куни кеча Малайзия полицияси КХДР етакчиси Ким Чен Иннинг акаси вафоти ҳақида хабар тарқатган эди. Қотиллик икки аёл томонидан содир этилган. Улар қурол сифатида "заҳарланган игналар"дан фойдаланишгани айтилмоқда.

Шимолий Корея етакчиси Ким Чен Ин - Sputnik Ўзбекистон
ОАВ: 8 ёшга тўлган Ким Чен Инга таъзим қилган генераллар ҳозир ҳам унинг ёнида
Жанубий Корея Миллий разведка бошқармаси маълумотларига мувофиқ, айнан 2012 йилда Ким Чен Намга илк бор суъиқасд уюштирилган. Аммо у муваффақиятсиз кечган. Ўшанда Ким Чен Нам ўз иниси Ким Чен Инга мактуб ёзиб, ундан ўзини ва оиласини авф этишини сўраган.

"Мен ва оиламдан жазони бекор қилишингни хоҳлайман. Бизнинг борадиган жойимиз йўқ, биз қочиб қутулишнинг ягона йўли — бу суъиқасдга қўл уриш эканлигини биламиз". Ким Чен Намнинг ўз укасига йўллаган мактуби эҳтимолий матнидан Ренхап агентлиги иқтибос келтирган, деб ёзади РИА Новости.

АҚШ ҳукумати фикрича, Шимолий Корея раҳбарининг акаси Ким Чен Нам Малайзия аэропортида КХДР агентлари томонидан ўлдирилган.

Шимолий Корея Меҳнат партияси Марказий Қўмитасининг биринчи котиби Ким Чен Ин (ўнгда иккинчи) - Sputnik Ўзбекистон
ОАВ: Шимолий Кореяда амалдорлар пулемёт ёрдамида отиб ташланди
Маълумот учун, Жанубий Корея ОАВлари КХДР раҳбарининг ўта ваҳшийлиги ҳақида мунтазам равишда хабар бериб туради. Мисол учун, 2015 йилнинг апрелида Ренхап агентлиги КХДР Ўрмон хўжалиги вазири мамлакатда ўрмонзорларни қайта тиклаш режасини барбод қилгани туфайли қатл қилинганини ёзган эди. Орадан бир ой ўтиб, худди шу агентлик Шимолий Корея Қуролли кучлар вазири Хён Ён Чхол ҳарбий тадбир давомида мудраб қолгани учун пулемётдан отиб ташлангани ҳақида оммани хабардор қилди.

Янгиликлар лентаси
0