ТОШКЕНТ, 4 апр — Sputnik. Россия президенти Владимир Путин Россиядан Украинага пул жўнатмаларини чекловчи қонунни имзолади. Бу ҳақда Россиянинг ҳуқуқий ахборот расмий сайтида эълон қилинган.
Қонун расман эълон қилингандан сўнг 30 кун ўтиб кучга киради.
Ушбу қонун Федерация кенгаши томонидан 29 март куни тасдиқланган, деб ёзади нашр. Россия Давлат думаси уни учинчи кўришдан 22 март куни қабул қилган.
Қонунга берилган шарҳда ушбу ҳужжатнинг долзарблиги "Украина ҳудудидаги Россия тўлов тизимлари фаолиятига салбий оқибатларни" бартараф этиш зарурати билан изоҳланган.