АҚШ 2017 йилда Афғонистонни "ИД"дан озод қилмоқчи

© Sputnik / Денис Петров / Медиабанкка ўтишАмерика ҳабийлари
Америка ҳабийлари - Sputnik Ўзбекистон
Oбуна бўлиш
Америка Қуролли кучлари вакили Билл Салвиннинг сўзларига кўра, айни вақтда Афғонистон ҳудудида "ИД" жангарилари сони сезиларли камайган

ТОШКЕНТ, 2 май — Sputnik. АҚШ жорий йилда Афғонистон ҳудудларини "Ислом давлати" террорчилик уюшмаси жангариларидан халос этишга бел боғлаган. Бу ҳақда АҚШ Қуролли кучлар вакили Билл Салвиндан олинган маълумотга таянган ҳолда Франс Пресс агентлиги хабар берди.

GBU-5 бомбаси - Sputnik Ўзбекистон
АҚШ ОАВлари Вашингтонга Россияда "бомбаларнинг отаси" борлигини эслатиб қўйди
"Бизда 2017 йилда уларни йўқ қилиш учун яхши имконият мавжуд. Қачонки "ИД" жангарилари дунёнинг бошқа чеккаларида йўқ қилинса, у жой (Афғонистон) келиб ҳужумни ташкиллаштириш жойи бўлишдан тўхтайди", — деган Салвин агентликка.

Унинг сўзларига кўра, илгари минтақада "ИД" жангарилари сони 2,5-3 минг нафаргача етган, аммо энди жанглардаги йўқотишлар ва "дезертирлик" ҳолатлари туфайли улар сони 800 нафарга камайган.

Эслатиб ўтамиз, АҚШ 2001 йилда Афғонистонда "Толибон" ҳаракати жангариларига қарши ҳарбий операция бошлаган. Ҳозирги кунда ушбу давлатда 8,4 минг атрофида америкалик ҳарбий кучлар мавжуд. Улар асосан толибон ва "Ислом давлати" террорчилик уюшмаси жангариларига қарши курашишда маҳаллий ҳокимият хавфсизлик кучларига ёрдам бермоқда.

Вооруженные боевики - Sputnik Ўзбекистон
ИД жангарилари Афғонистонга кўчиб ўтишмоқда
АҚШ апрел ойида биринчи марта Афғонистонда "Ислом давлати" жангариларига қарши энг кучли ядросиз бомбани қўллади. Ушбу заряд оғирлиги 9,5 тоннани ташкил этиб, у МС-130 самолётидан ташланган. Ҳозирги кунда АҚШ Қуролли кучлари ҳисобида бу каби бомбалардан 15 дона мавжуд.

Вашингтон таъкидига кўра, зарба "Ислом давлати" жангарилари ҳаракатланадиган тунел тизимларига берилган. "Зарба террористик уюшмани йўқ қилишга қаратилган ваъдага содиқлик намойиши белгиси", деб таъкидланган.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0