ТОШКЕНТ, 26 дек — Sputnik. АҚШ Молия вазири Стивен Мнунчинга аталган "сюрприз" — гўнг солинган қутичани юборган шахс Лос-Анжелеслик руҳшунос Робби Стронг бўлиб чиқди, деб хабар қилди РИА Новости.
Ўтган ҳафта охирида — шанба куни Стронг ўзининг Facebookдаги саҳифасида у қай тарзда жўнатмани йиғаётгани акс эттирилган фотосуратларни жойлаган.
"Сирли Санта ўйини учун тайёрланган совғамни кимдир ҳужжатлаштириши даркор, — деб ёзган у. — Мен от гўнги солинган қутичаларни Стив Мнучинга юбормоқчиман. Модомики пулларда сўз эркинлиги бор экан, нега энди гўнг ҳам шндай ҳуқуқга эга бўлмасин".
Маълум бўлишича, Стронг Мнучин учун иккита жўнатма ҳозирлаган бўлган: бири Лос-Анжелесдаги Бэл-Эйр туманига етиб келган, бошқаси — Беверли-Хиллзга.
Илгарироқ ОАВларда АҚШ Молия вазири Стивен Мнучин шубҳали қутичани олганлиги ҳақида хабарлар тарқалган эди. Жўнатмани Лос-Анжелес ҳудудида жойлашган ҳашамдор уйнинг йўлаги олдида қолдириб кетишган. Рождество қоғозига ўралган ва "америка халқи номидан" юборилган совға саперлар томонидан ўрганилган. Қутининг ичидан от гўнги ва Мнучин ҳамда АҚШ президенти Дональд Трамга мурожаат йўлланган табрик откриткаси чиққан.
