09:01 16 Сентябр 2019
Эфир
  • RUB142.96
  • EUR10360.56
  • USD9395.63
Премьер-министр КР Сапар Исаков

Исаков раҳбарлигидаги ҳукумат истеъфога чиқмоқда - парламент ишончсизлик билдирди

Пресс-служба президента КР / Султан Досалиев
Дунёда
Ҳавола олиш
220 0 0

Қирғизистон Жокоргу Кенешининг 19 апрел куни ўтказилаётган ялпи мажлисида Ҳукуматга нисбатан ишончсизлик билдирилиши масаласи муҳокама қилинди

ТОШКЕНТ, 19 апр — Sputnik. Жогорку Кенеш кўпчилик овоз билан Сапар Исаков раҳбарлигидаги ҳукуматга ишончсизлик билдирди, деб хабар берди Спутник Қирғизистон нашри.

Илгарироқ бошқарув коалициясига кирувчи СДПК ва "Қирғизистон" фракциялари Вазирлар маҳкамаси ҳисоботини қониқарли деб топган эди. Коалициянинг учинчи иштирокчиси — "Бир Бол" — уни тингламаган. Унгача эса парламент оппозицияси ("Онугуу — Прогресс", "Ата Мекен" ва "Республика — Ата-Журт" фракциялари) Ҳукуматнинг 2017 йил учун ҳисоботини қониқарсиз деб топган.

Депутат Мирлан Бакировнинг таъкидлашича, бугун парламентда тарихий воқеа юз бермоқда, нега деганда Жокоргу Кенеш илк маротаба ҳукуматга ишончсизлик вотумини билдирмоқда.

Овоз бериш якунига кўра(101 депутат овоз берган), Жокоргу Кенеш Вазирлар маҳкамасига ишончсизлик билдириши ҳақидаги қарорни қабул қилган. 

Ҳукуматга ишончсизлик билдирилганидан кейин президент Вазирлар маҳкамасининг истеъфоси ҳақида қарорни қабул қилишга ёки Жокоргу Кенеш қарорига эътироз билдиришга ҳақли.

Ўтган йилнинг август ойига қадар ҳозирги президент Сооронбай Жээнбеков Қирғизистон Бош вазири бўлган. Унинг сайловлар туфайли истеъфосидан кейин Вазирлар Маҳкамасига Сапар Исаков раҳбар бўлган эди.

Теглар:
ёш вазир, Сапар Исаков, истеъфо, Қирғизистон ҳукумати

Асосий мавзулар