ТОШКЕНТ, 15 май – Sputnik. Россия президенти Владимир Путин ЖЧ кунларида Россиянинг айрим шаҳарларига келган хорижий фуқароларни 3 кун ичида рўйхатдан ўтказиш ҳақидаги қарорни имзолади. Янги қарор ҳуқуқуқий ҳужжатлар расмий порталида эълон қилинган.
Эслатиб ўтамиз, ушбу қонуннинг 2018 йил 7 май куни имзоланган дастлабки кўринишида “Жаҳон Чемпионати кунларида хорижий фуқароларни рўйхатдан ўтазишга бир кун берилади” – деб эълон қилинган эди.
Ушбу қоидалар 2018-йилнинг 25-майидан 25-июлигача Москва, Санкт-Петербург, Волгоград, Екатеринбург, Казан, Калининград, Нижный Новгород, Ростов-на-Дону, Самара, Саранск ва Сочи шаҳарларида амал қилади.
Хорижий фуқароларни нафақат ички ишлар органлари бўлимларида, балким "Мои документы" кўп-функцияли марказларда ҳам рўйхатдан ўтказиш мумкин бўлади.
Ушбу қонун Жаҳон Чемпионати иштирокчилари, FIFA ва унинг шўба корхоналари ҳамда миллий футбол ассоциациялари вакиллари учун амал қилмайди.